唔知最近大家有冇覺得自己病左？老實講，比起中國武漢肺炎，我覺得呢個病更加折磨人，更加似絕症。無疑好多香港人都患上左呢個病，對於一向一年飛幾轉既香港人黎講，今年一個武肺令到人生少左幾多樂趣？所以好多人就嘗試將旅行既慾望用唔同既形式黎實現。
//
首先講下最近好熱話既香港一日遊，先不論呢樣野是咪6uo，但眼見一開賣好快就賣晒，就足以證明呢樣野係有市場，而有demand就當然有supply，不嬲一個商業社會就係咁，唔知點解都可以做成咁多討論。不過在於我而言，去旅行我最討厭既一環就係坐飛機，如果有得揀，我真係想有個隨意門可以skip左坐飛機個part，所以flycation對我黎講真係無感。
//
另外最近成日係facebook同ig見到既就係好多酒店打卡相，諗返以前去爆房大家都會收收埋埋，邊會好似而家咁公開話俾大家知，皆因用staycation去包裝成件事又真係好睇好多，有晒靚房落地窗又有埋hightea俾你打卡，反正今年冇得飛鬆動左，倒不如刺激下本地消費啦。雖然未必真係搵得到去旅行既感覺，但至少可以唔駛屈係屋企，當俾自己放返一兩日假囉，反正今年大家既annual leaves都冇乜用架啦。
//
以前身邊d朋友會問大家：喂最近又去左邊度玩呀？而家大家見面都會嘆氣講句：唉唔知幾時先有得飛。都只怪之前香港人要飛要去旅行實在太容易，所以養大左個胃口，已經返唔到轉頭，但望住全世界既疫情仲係反反覆覆，就知道距離真係可以安全旅行仲有一段好長既時間，唔知道一向創意十足既香港人可唔可以發掘到更多解決旅行慾既藥方呢？
//
ig: autobackpack
Search